「林鍾一戰」喺9月展開，今日林作喺記者會上表示，過去3個月一直密集訓練，每星期均會在向柏榮拳館與各路高手實戰，不像鍾培生般只在家中花園「閃吓閃吓」，又踢爆鍾培生早前跟向柏榮拳館的下線對戰了一場，已被打成熊貓眼，自己於9月上場時一定打到他變豬頭！

林作其後抱起女友裕美合照，又拉起件衫晒肌肉，更揚言目前大隻到足夠打死鍾培生，最好現在「就地正法」。他自認一身飛債，七仙羽及麥玲玲均想捧他場，媽咪則未知會否到場，他笑說：「七師傅話會嚟現場作法，唔知道係想幫我定想我死！」裕美則嫌男友未夠大隻，由上而下都要改善，大呻林作心繫練拳而少咗見面，只好陪他出活動當拍拖。