5000元電子消費券計畫今日開始接受登記，不過有網民就表示，進入其中一款支付工具Tap & Go的手機應用程式時，出現排隊等候畫面，而且需要等近20分鐘，批評Tap & Go的容量不足，又擔心未來付款時會受到影響。

有網民在網上討論區「連登」上，以「Tap & Go搞唔掂喎…」為題發文，並上載一張使用該手機應用程式的截圖，當中顯示他於昨晚11時許登入程式時，需要花約18分鐘排隊，前面則有5,905個用戶排隊。樓主批評Tap & Go的容量不足，又質疑登記消費券後，日後付款時或會「入App都要排隊，錢都畀唔到」。

帖文引起網上熱議，有網民指Tap & Go需要將虛擬卡添加至Apple Pay、Samsung Pay及Google Pay等非接觸性支付程式，故應該不會「塞車」，「人哋俾錢係行mastercard，應該唔會塞車」、「畀錢係用Apple pay喎，關個app咩事」。

另外亦有人批評，Tap & Go戶口實際上可以提早開通，用於登記消費券的編號亦可預先提取，根本不需要現時才開戶口及排隊，「你不如反問吓自己點解申請消費券之前一個鐘先開戶口」、「等到最後一日先登記，排隊都係自己攞嚟」。

資料來源：「連登」