鄭秀文假日最enjoy食好西。
鄭秀文明年8月「登五」，但身材仍然勁fit。
其實鄭秀文真係好鍾意食嘢，見她望住牛扒雙眼發光就知，切牛扒對手唔知係咪老公許志安呢？
半肥瘦燶邊麥芽糖叉燒睇見到正。
臘味煲仔住家飯好有愛。
似雪梨的咸水角。
和牛酥。
史上最靚嘅蕃薯葉。
放完假又要再爆汗。
日前Sammi喺社交網貼出跟朋友學製「水克非爾」（Water Kefir）水的過程。
Sammi喺屋企學整好西餵飽安仔。
Sammi體重長期維持喺45KG左右。
近年鄭秀文愈來愈注重健康，除咗爆汗外，日前喺社交網貼出跟朋友學製「水克非爾」（Water Kefir）水嘅過程，利用「水克非爾」可食用嘅益生菌，為人體提供大量活性益生菌，幫助促進腸道健康排走身體毒素，增強免疫力，加強新陳代謝，咁樣自然唔會咁易囤積脂肪。
Sammi自我克制咗成個星期，每到假期就會「放假」，滿足返自己嘅慾望，見她喺IG限時動態放上美食相及片放毒，Post出噚晚食咗嘅臘味煲仔住家飯，仲有半肥瘦燶邊麥芽糖叉燒加餸𠻹！她寫道：「唔食就對唔住自己呀！叉燒控表示食極都唔厭。」至於臘味飯係睇電視學嘅，用瑤柱、冬菇、臘腸、潤腸加埋切到很碎的菜甫粒製成。仲有5成熟嫰滑焗牛扒配薯條。
Sammi似乎未夠喉，今朝再接再厲食好西，包括換上新造型，似雪梨的咸水角、和牛酥、史上最靚嘅蕃薯片，看圖睇嚟做得有板有眼，色香味俱全，老公安仔應該大飽口福了。Sammi應該食得好開心，見她對住牛扒雙眼發光，為食樣出晒嚟，網民睇見都流晒口水。
