每個家庭的文化不一樣，有已婚女網民在網上討論區「親子王國」發文，指婚後丈夫主張AA制，大額消費要分一半，令她懷疑丈夫是否已經失去對她的愛意。

發文者詢問一眾網民，如果兩夫妻都有收入，日常家庭財政如何分布，應該開個聯名戶口，每個月出糧入錢夾一份，一切生活費從中扣賬，抑或AA制男女各自分攤，外出用餐好像同事食飯般除以二。

她透露，現時「平時開支一人畀一樣，有時買屋企嘢大筆數目就除2暫時唔覺得有好大問題嘅，但我覺得開聯名戶口方便啲，但先生好似唔係幾想」。她擔心，「計得咁均真，真係唔會傷感情？但自己管晒錢，又驚hurt到佢自尊」

但不少網民都大為不解，「婚後都要AA，不如唔好結婚」、「A佢條命，生仔佢唔AA分咁啲痛？屋企無AA」、「我接受唔到，同朋友兩個人食飯都未必餐餐AA」、「結婚後食餐飯都要AA ?咁計較結婚嚟做咩？我唔會頂得順呢個男人....」

有網民分享其家庭習慣，「我哋冇聯名戶口，大家經濟獨立，基本上屋企嘅嘢大家share返，我又唔介意，因為我覺得屋企大家都有份嘅！」、「從無AA，所謂聯名只有先生入錢，平時開支一人負責一啲，佢就供樓同家中上下所有開支，我就負責小朋友開支」。

帖文轉載自《C6婚後AA制…代表唔愛我？》