今次野生捕獲發哥機會落喺高Ling身上。
原先高Ling拍緊TVB新劇《童時愛上你》，因劇本問題押後開拍，高Ling就有空檔親親大自然。
高Ling生活向來好健康。
湯洛雯也羨慕對高海寧說：「Why not bring me？」
網友即回應靚湯：你有馬仔仲要乜嘢呀？
高海寧嘅身材向來都Keep得好好。
Previous Next
66歲嘅周潤發(發哥)身壯力健，因為日日keep住行山跑步，唔少圈中人都野生捕過發哥，昨日「幸運」落喺高海寧（高Ling）身上，原先高Ling拍緊TVB新劇《童時愛上你》，後來傳出因劇本問題押後開工，高Ling就有空檔可以行山親親大自然。

昨日（4日）高Ling喺社交網發文晒同發哥合照，寫下：「把手握緊，裡（裏）面什麼也沒有。而鬆開手，你所擁有的是一切。Thanks so much 發哥！（很謝謝你發哥）」原來她獲得發哥金石良言鼓勵。袋錢落她袋。連好友湯洛雯也妒忌說：「Why not bring me？(點解唔帶埋我去？)」網友即回應：因為你太Cute；亦有指她：你有馬仔（馬國明）仲要乜嘢呀？