ViuTV《大叔的愛》眾演員黃德斌、呂爵安（Edan）、盧瀚霆（Anson Lo）、邱士縉（Stanley）、簡慕華、陳子豐、練美娟等人早前齊集，為劇集拍攝片頭主題曲，眾人專程排舞盼突圍而出。黃德斌於片場不時嘆氣，更趕完成的演員離開，場面搞笑：「叫佢哋快啲走，唔好搞我啦，因為好大壓力啊！導演話得就得喇，但係自己就覺得可以好啲，頭先叫做『做咗動作』囉，比多啲時間我排練，可以向歌舞戲呢個目標出發。」

Edan、Anson Lo、Stanley雖然精於跳舞，但NG次數竟比同場的練美娟（娟姐）和徐㴓喬（Asha）多，Edan認叻話自己表現比隊友佳，但反被Anson Lo指責「計較」：「跳舞呢樣嘢，我一向都好敬重Edan，所以輸比邊個都冇咩所謂，都唔知Edan比較嚟做乜，呢個世界真係太多競爭啦。」Edan亦不甘示弱話教對方兩招跳好啲。Stanley就話呢日演員齊集，但幾乎不認得黃德斌：「因為佢剃咗鬚，真係怪怪地，成個人後生晒又靚仔咗。其實今日大家見面有點怕醜，要啲時間Warm Up，好快就返翻去拍劇個氣氛。」