陳柏宇（Jason）將於本月20日38歲生日，在出席商場活動時獲大會送上蛋糕慶祝。Jason謂正日在家食飯慶祝，又笑認生得細粒有著數，不會顯老，「如果現在有人笑你矮，將來你就會後生過對方好多！」
談到MIRROR成員生日都獲Fans「送大禮」，Jason不會鼓勵Fans效法：「我的Fans多數已婚生仔，留番多個錢傍身較好。（女兒Abigail愛睇明星？）阿女比較喜歡睇恐龍打交、煮食的短片，但冇睇過我的MV！」