主演港版《大叔的愛》並在劇中晒六嚿腹肌的MIRROR成員Edan（呂爵安），於社交網分享其「首次下海晒肌」P圖，分享前後對比。他先笑指相片的對比度、飽和度及清晰度都要調至100，就「人人都可以好似有啲料到😎😎」，不過其實Edan為騷肌都有努力，他透露：「當知道《大叔》要除（衫），就下定決心要搞搞佢，起碼搞走個大肚腩先，所以就開始控制飲食，得閒就操吓。就算每日由朝拍到晚，有幾次凌晨返到去都唔瞓住，點都操一陣飲埋奶粉先瞓，都真係幾癲😂。」