熱愛畫畫並曾到倫敦進修藝術課程的趙慧珊（Aka），日前帶同作品出席數碼虛疑藝術展，希望自己的作品在不同平台出現，也希望大家在疫情中看到這幅畫會開心。她說︰「因為疫情大家都好悶，去唔到旅行，又擔心疫情會影響屋企人，大象係吉祥動物，動物中最穩重，可以載你周圍去，加埋我平時好鍾意畫嘅精靈，精靈有小魔法，可以帶你去唔同地方，再加上一道旋轉門，好似帶你去另一個世界，希望疫情令到嘅唔開心事可以拋緒腦後，帶大家去一個屬於Aka嘅夢幻世界。」
Aka表示今次作品找來朋友幫忙，為畫作加入動畫特效，說︰「第一次小試牛刀，睇大家反應，但我已預備咗啲有動畫效果嘅畫，繼續做落去，希望令更加多朋友認識。畫冊都籌備緊，好快可以同大家見面。至於會唔會有數碼版，要再睇睇。」