有港女表示，欲以500萬元買樓，再將單位一分為二，變成劏房出租。資料圖片（示意圖）
該名港女在網上討論區「親子王國」發文，指現時自住的單位是以公司名義持有，以避開樓市「辣招」，故名下並無物業。她透露，丈夫早前曾送她一個單位，她趁樓價高企時已賣出，有感銀行利息不多，故希望買樓再轉做劏房出租當作投資，預算為約500萬元，計畫做5成按揭。
樓主表示，有意購入兩個單位，並將每個單位「一劏為二」，各劏房月租8,000元，預計自己每月可從4間劏房獲得3.2萬元，收入比直接租出單位更理想，「如果我買一個單位要過千萬先收到呢個價租金，供樓畀多啲息，仲要畀幾千銀管理費，我只想坐喺度收最多錢咋。」
樓主的「發達大計」隨即惹來不少網民批評，指其行為「無人性」，亦對於樓主聲稱藉此幫人不敢苛同，「你想幫人，唔係做劏房」、「你賺埋啲陰騭錢仲講到自己咁有道理，真係好衰格！」、「唔好講到自己好偉大！根本就係業主無良，抬到租金高一高去搵人幫佢供樓加搵錢！」、「至憎人整劏房出嚟放租，根本唔合法，每個單位仲要細到咩咁」。
另外亦有網民擔心，劏房投資及裝修成本高，甚至可能有塌樓危機，加上政府近期開始打擊劏房問題，紛紛勸樓主深思熟慮再行動，「近排樓價唔覺有跌，做得劏房預幾十萬裝修」、「政府開始打擊劏房問題，突然選擇去做?」、「劏房每户有浴室潔具，加上水喉電管用多咗，全個單位內物件重量超過設計師預期。如多個樓層做了劏房，承受不起額外重量，就有塌樓危機」。不過樓主就表示不擔心、「做住先」，更指「政府做嘢打擊得嚟都10年8載」、「全香港咁多劏房大戶，要驚未到我」。
資料來源：「親子王國」
