港隊張家朗於東京奧運男子花劍個人賽奪金，全城轟動，連現場訪問他的記者亦非常興奮激動。不過到日本東京訪問的電視台節目主持之一陳約臨（Kelly），疑因過於興奮，其訪問表現被網民議論。

陳約臨在張家朗奪金前，已多次在社交媒體上拍片發文，大讚對方靚仔；得知對方奪金後，即拔足飛奔至訪問區。訪問開始時，陳約臨已按捺不住興奮心情，搶在其他記者之前發問，更趁機向張家朗「表白」：「你係香港人嘅驕傲，有咩想同香港人講？所有人睇住你做Live（直播），我真係好鍾意你，點算呀？」，令張家朗表現愕然及尷尬，但仍保持鎮定表示多謝大家，分享奪金感想。

之後陳約臨在張家朗回應時多次插話，包括問他比賽前吃過甚麼、可否在鏡頭前對家人講聲多謝等，甚至以高八度聲線指「我要改口叫你做金家朗」、「佢哋（香港市民）叫我畀個飛吻你」、「我直情喺觀眾席要喊！」。由於其他記者見陳約臨「口窒窒」及表現失控，惟有插口問張家朗比賽時的策略，結束這個尷尬的場面。

事後有不少網民都對陳約臨的訪問表現感到不滿，指其聲線「擾民」、問題欠質素、搶問而沒有讓受訪者回應，更指她「完全冇職業操守」，「知唔知咩叫歷史性時刻？張家朗千辛萬苦創造出嚟，你就摧毀」。

陳約臨訪問語錄

你係香港人嘅驕傲，有咩想同香港人講？所有人睇住你做Live，我...我真係好鍾意你，點算呀？

你點樣做到？由今日8點打到而家，中間做過啲乜，食過啲乜？陣間想做啲乜？

可唔可以喺度做緊直播時，同屋企人講聲多謝？

我直情喺觀眾席要喊！

我要改口叫你做金家朗！

我真係好proud of you（為你感到驕傲）！頭先做live（直播）時問香港市民想對你做啲咩，佢哋叫我畀個飛吻你，但因為有social distancing（社交距離），哈哈！

頭先商場逼爆晒人，就係睇你嗰刻...就係睇你嗰刻表現，每一分都打得好穩定...