黎明早前舉行一連9場紅館演唱會，在首晚開騷與嘉賓林海峰合唱姜濤的《蒙著嘴說愛你》後，就傳出其中一場由姜濤做嘉賓，之後又有網上專頁希望尾場由MIRROR做嘉賓，最終當然沒出現，尾場更是黎明做回自己的嘉賓。
今午黎明突然在社交網上載了一張「Lai x ??????」和26個英文字母的相片，並留言：「究竟我同邊個合作？？？估到邊6個英文字母組合，送你Clips（正在諗緊點送好，度度度緊…）」，隨即引發網民留言：「一定係MIRROR」！
不過很多忠實粉絲都留言：「有你就好，主要是看你，其他一切都不重要！」、「邊個都好，你選擇嘅都係你欣賞嘅，期待呀！」、「Leon主角已經無敵，如果加埋MIRROR，唔食早餐都要搶先睇」、「MIRROR？但邊個都好，最緊要有Leon！」亦有反對謂：「可唔可以唔好又MIRROR呀，我呢世淨係鍾意黎明你一個㗎咋」、「12個MIRROR都無一個Leon咁吸引」，還另有見解：「『Lai』係姓，會唔會係『cheung』，張敬軒」！