李燦琛的3歲囡囡李元元（Lucy）好勁，IG有近32萬Followers，勁過得26.9萬嘅老竇。雖然佢阿媽成日將Lucy嘅醜態公諸於世，但Fans反而愈儲愈多。今日，胡杏兒老公李乘德分享大仔李奕霆（Brendan）和Lucy的多張合照，穿著白色連身裙的Lucy和Brendan手拖手影相，兩人同樣三歲，但前者細個後者五個月，兩個人企埋一齊，Lucy個頭明顯大過Brendan，相當搞笑，而Brendan亦動作多多，表情又古靈精怪，老竇李乘德都留言指Brendan拖住女仔非常招積。