每個女生每月都會經歷生理期，有些人在「親戚」到訪時更會出現經痛到難以下床的情況，作為男友有時實在愛莫能助！有港男就在網上發文，希望眾多位網民可以提供叫對方「飲暖水」外的有效方法幫助女友。

該名男網民在網上討論區「Dcard」上發文，指自己每月在女友遇上經痛時都會感到不知所措。他指，女友間中會出現較嚴重的經痛，連走路亦有困難，「行喺上嚟成個阿婆咁，撳住個下腹部」，形容「行得仲慢過隻樹懶」，故希望網民可以賜教，告知他提供暖水「做佢嘅暖水壺」及貼身陪伴外的方法，令女友好受一點，「問佢，佢又話陪住就ok，咁我真係覺得仲可以做多啲，幫佢減輕負擔吖嘛」。

帖文引來不少網民回應，有人指應該多喝熱飲，必要時服用止痛藥，「睇著佢唔好食凍嘢」、「焗下薑茶呢啲嘢畀佢飲」；亦有女網民表示，經痛時各種方法其實都幫助不大，反而男友在旁陪伴就夠了，「其實陪住已經超有用」、「買咩都無所謂因為嘢食舒緩唔到經痛，純粹係可以關心下佢」。

資料來源：「Dcard」