尋日，胡杏兒老公在IG上載大仔Brendan同Lucy嘅拖手合照，然後夜晚再有陳敏之同Lucy一齊照鏡嘅短片，今朝輪到李璨琛同車婉婉嘅4歲囝囝BBQ騎膊馬，估到佢哋約埋玩，今日下畫終於等到，胡杏兒老公再Po大合照，五藝人家庭，包括胡杏兒老公李乘德同兩個仔、李璨琛同Lucy、陳敏之同囝囝雷子樂、車婉婉夫婦加囝囝BBQ仲有陳山聰及囝囝Jaco，Po相嘅胡杏兒老公話舉行咗一個兒童聚會，目的就係約埋啲大人飲香檳，即係借啲意咁解，從眾大人Po相可見，當中最受歡迎係Lucy，無論成年人同小朋友都鍾意黐實佢，包括胡杏兒兩個仔，好搞笑，兩兄弟爭一個肥妹仔。