不少老闆都會偶爾請員工食「萬歲下午茶」，以提升大家的士氣。不過近日有網民就表示，老闆某日請全體10多名員工食下午茶，卻要勉強分5個墨西哥包，令樓主不禁表示「唔好請好過啦！」

該名網民向社交媒體Facebook專頁「奴工處」投稿，指公司老闆日前買來一袋下午茶並交給同事，表示要請客，不過有同事打開膠袋一看，竟發現裡面只裝著5個墨西哥包，但全公司有10多名員工。老闆見狀，便對同事表示：「係呀，得5個，你將1個分做4個喇！」

樓主表示，墨西哥包本來已很難切，「一切就碎晒」，而且還要切4份，不禁表示「真係考起同事」，寧願老闆唔請好過請。

帖文引來不少網民回應，有人指樓主老闆似是「借花敬佛」，「同新年完咗老細請食罐裝嘉頓什餅一樣」、「似係同人去食嘢，食剩打包」，更有人笑言「餵雀咩一開四」，或是似《聖經》故事「五餅二魚」，「欠兩條魚毛喎」。

另外，有網民齊齊分享自己遇上「庹縮」老闆的經歷，「我哋老細兩條卷蛋廿個同事分」、「我諗起孤寒腦細難得一次送咗幾包即沖3合1咖啡畀我，下個月到期」、「我公司夠試過老闆將個月餅切八份」、「以前試過大老細升職請兩盒叉燒，廿幾個人分，跟住叫我哋自己夾錢買嘢食」。

資料來源：「奴工處」FB