ANSONBEAN練大隻，著起背心來更挺更橫。
跳了成晚不休息，勤做掌上壓。
又用橡筋拉出肌肉。
現在一星期操足五六日。
公司不惜工本「加碼」為ANSONBEAN拍攝跳舞版MV。
跳到飛起。
可以睇清楚成隻舞。
Previous Next
ANSONBEAN首支跳舞單曲《CRUSH（oh no!）》早前舉行過MV首播會，公司更不惜工本「加碼」為他拍攝dances version特別版。ANSONBEAN說：「因為首歌MV裏面有太多情節，所以公司想拍一個dances version，等大家可以睇清楚成隻舞。其實要跳成晚，唔係太辛苦，反而中間休息時間，我仲要攞條橡筋帶出嚟練肌肉，無非想畀人感覺大隻啲。」
一直努力操肌的ANSONBEAN，除了勤上健身房，更加入不同類型的運動，改善身體線條。「以前我一個星期做三日gym，依家會一星期操五六日，另外我又會去玩攀石、游水、打網球、滑浪，純粹想做多啲運動，好玩得嚟又大隻啲，想著背心嘅時候可以挺啲、橫啲。」