張繼聰昨晚出席電影《媽媽的神奇小子》慈善首映禮，對於兒子張瞻視人氣男團MIRROR為偶像，阿聰笑指兒子是MIRROR的粉絲，老婆謝安琪就無講明，因為會畀返少少薄面並說：「阿仔喺國際學校讀書，由細到大聽外國歌多啲，依家畀我睇歌曲歌單，原來聽最多係MIRROR同Jer。（兒子無聽你的歌？）唔好提！佢最近不停聽Jer首新歌《砂之器》係小克作詞，不過佢啲英文好過中文，所以我問個仔其實聽唔聽得明首歌講乜？然後我話佢知個故事講咩，佢話要聽返一百幾十次先！但覺得幾開心，其實一代接一代嘅人，MIRROR令年輕一代接觸多啲廣東歌，MIRROR亦好用心做，希望將來可以有機會可以跟MIRROR合作。」