港隊女乒團體賽今屆東京奧運勇奪銅牌，再創歷史。三名女將表現出色，為港隊女乒寫下歷史性一頁，除了場上運動員，教練李靜亦是今屆賽事焦點之一，比賽期間大爆金句，引起討論。

．「最緊要多謝嘅係我自己」
在港隊奪得銅牌後，李靜見記者時點名有一個人要多謝，「最緊要多謝嘅係我自己，因為我付出咗更加多」。

．「X你企喺中間啦」
在女乒團體賽16強中，李靜激情指導杜凱琹，期間一度爆粗，指「X你企喺中間啦，企中間佢發你長你咪反手拉佢囉！OK？好嗎？」被直播鏡頭捕捉，成一時熱話，最終港隊以3：1挫巴西，晉身女團八強。

．「我諗睇多啲鬼片喇，膽生毛就有夠膽贏」
今屆港隊女乒歷史性晉身女團四強，惜負日本組合無緣決賽。李靜賽後指女將「膽怯」，笑指球員應看多些鬼片練膽，「我諗睇多啲鬼片喇，膽生毛就有夠膽贏」。

．「見到幸福要夠膽攞先得」
女乒團體賽8強賽事，李靜在賽後表示，希望球員更放膽進攻，「其實今場領先後都有好多球可以殺落去得分，不過女仔有時係咁㗎啦，見到幸福要夠膽攞先得」。

．「波就一場場打嘅，飯就一啖啖食」
港隊黃鎮廷及杜凱琹出戰混雙八強，最後僅負法國。李靜賽後表示比賽已成過去，寄望港隊有更好成績，「波就一場場打嘅，飯就一啖啖食」。

．「（獎牌）對於香港嚟講都好重大，因為奧運獎牌係屬於香港嘅」
李靜與拍檔高禮澤2004年雅典奧運勇奪男雙銀牌時，形容當刻心情，「（獎牌）對於香港嚟講都好重大，因為奧運獎牌係屬於香港嘅」。