有「最靚星二代」美譽的上山詩鈉24歲女兒Hilary，別看她平日活潑好動，又愛小動物，去旅行更又會和街頭的鹿群影相，原來她都有嘢驚。今日Hilary在社交網上載幾張參加小朋友生日派對的照片，相中的兩位小朋友玩得好開心，又周圍跑，但Hilary就表現驚驚青青，事關她到估計是友人的家中參加派對，現場就有刺蝟及蟒蛇，Hilary看到刺蝟已驚到震，之後要用毛巾包着才夠膽拎，而蟒蛇如頸巾般掛在她身上時，更嚇到她花容失色想逃走，真係難為了她。