「女神」譚旻萱（Mandy）跟師弟ANSONBEAN獲邀出席電影《媽媽的神奇小子》首映禮，兩人首次出席首映禮既開心又緊張，更獲安排跟電影監製吳君如認識兼合照。Mandy被蘇樺偉的故事觸動睇戲時從頭喊到尾，重燃鬥心，誓言要在今年發力圓夢！

Mandy說：「全套戲都好感動到我，最深刻係蘇樺偉話『知道自己比人起步得慢，我先係咁衝，就好似我條命咁樣，我要由後面追上嚟。』佢嗰種精神，唔願意放棄、屈服，不斷努力，要跑到自己嘅終點線嘅心，嗰一刻突然間將我要成功追求夢想嘅感覺拉返出嚟，嗰種渴望係好強大，佢令我想成功嘅心多咗好多，呢個係一個意外收穫。」

20歲的Mandy思想堅定：「我一鍾意就會好拼命去做，我鍾意打籃球，入咗行都照抽時間去練習，知道自己未係狀態，已經搵咗教練幫我操，每日踩40k單車，不過教練行動力好強，自己真係好攰，但我冇藉口放棄，希望今個月一定要減到肥！」