轉工跳槽絕非是一件簡單事，近日有網民向fb專頁「奴工處」投稿，指畢業後於一間公司工作數年，辭職後發現，舊公司竟將他有份參與作品上的姓名刪走，換成另一個人的姓名，令他不能應徵新工作時，向新僱主出示個人作品，直言「而家show出嚟啲文，全部都係其他人嘅名，好灰，唔知可以點…」。

帖文引來不少網民回應，有人指作品雖然沒有樓主的名稱，但樓主可以向新公司說回自己的製作過程，證明是自己的作品，「如果件作品真係你做嘅話，係抹殺唔到事實喎，用證據證明自己講嘅事實」、「可以講返自己嘅製作過程，證明返係你嘅作品」、「人哋問起detail，你個反應係正常而答到，人哋唔會特別質疑」。

不過，亦有人質疑樓主為何沒有「留底」，認為「自己留紀錄是皇道」，又直指樓主舊公司非常小氣，希望樓主日後「經一事長一智」保障自己。

資料來源：「奴工處」fb