雪糕品牌Haagen-Dazs聯乘人氣男團Mirror的成員姜濤推出特別版「姜濤月餅」，上月剛發售已吸引大批粉絲排隊搶購。有網民於討論區發文指，其母親近日迷戀Mirror，得悉「姜濤月餅」推出後，亦指明想購買1盒。惟月餅早已售罄，正當該網民如實回答時，竟被斥「少少嘢都做唔到」，令該網民深感無奈。

該網民於「香港討論區」發文指，其母親愛上了Mirror，近日要求樓主代為購買「姜濤月餅」。由於該款月餅首日開賣時已全部售罄，樓主只能回答指，「買唔到，一早賣哂。」未料母親竟突然發脾氣並斥，「少少嘢都做唔到」，令樓主倍感無奈，「啲女人真係無論咩年紀都係咁麻煩」，又指現時姜濤月餅炒價已達千元，「月餅都賣咁貴，搶錢咩」！

帖民引起網民熱論，有網民亦驚訝一盒月餅竟炒至千元，情況誇張，「成千蚊又真係貴咗啲」，亦有網民籲樓主不應過於執著價錢，「價錢唔重要，開心就好」、「千金難買心頭好呀」！

拍賣交易平台現時仍可看見「姜濤月餅」發售，原價每盒548元，部分於平台上叫價達1000元至3000元，惟有網民提醒購入前應先三思！

資料來源：香港討論區