「Dee姐」的陳海寧在今年年初爆戀上193@ERROR，其後更被指以緋聞女友的身份亮相《ERROR自肥企画》，不過兩位當事人未有承認關係。日前陳海寧與黃溢濠齊齊上ViuTV節目《有酒今晚吹》時，被進擊的娟姐追問戀事。事緣因為陳海寧與ERROR的阿Dee撞樣，強尼和娟姐一唱一和地形容陳海寧與ERROR關係千絲萬縷，但她反而覺得阿Dee與自己的爸爸相似，尤其是對眼，娟姐接着說：「呢啲係咪叫夫妻相？」陳海寧一臉無奈地說：「點解兩個人似就係夫妻相！」強尼打蛇隨棍上：「有啲嘢，吹下吹下就係架喇！」