一段關係最忌佔有慾及控制慾過剩！有港女表示，同居男友每日都會檢查她的衣著，才准許她出門；某次她忍不住詢問因由，結果男友一句話秒速「焫著」她，更令她即時搬走，並考慮與對方分手。

該名港女在「香港討論區」上，以「一齊得越耐越發現男朋友越有問題」為題發文，指與男友同居後，每日出門前都會被對方檢查衣著，如不符合他的標準便要更換。樓主指，初時只以為男友是怕她被其他人「睇蝕」，但後來發現即使在冬天，理應包得密密實實，對方仍有同樣要求。

樓主表示，對男友的行為感到相當不解，某日忍不住問他堅持每朝檢討衣著的原因，結果對方竟然表示：「因為見到你會跟我個標準去著衫，呢樣嘢我覺得你好似我隻寵物」。這番話一秒激嬲樓主，「即係佢當我係貓貓狗狗呀？」，當晚已執行李搬離單位，更表示正考慮分手，又指「呢樣嘢都唔係缺點咁簡單，可直接話係變態」。

帖文引起網民熱議，不少人都表示樓主男友很有問題，「操控慾強，小心啲，以後如果你唔聽佢話會有暴力傾向」、「感覺呢種男嘅有點牙煙，唔敢來往」、「同呢啲人拍拖，好似坐監咁」、「好多男人都會將女朋友私有化，就連女友俾其他男人𥄫下佢哋都覺得反感」。

資料來源：「香港討論區」