李璨琛（Sam）的3歲女兒李元元（Lucy）經常為網民帶來歡樂，貪靚的她不時有扮靚相公開，Lucy媽昨日（12日）又在社交網貼出囡囡人細鬼大模樣。之前Lucy收到指甲油連機套裝，但她未有經常拎出來用，只因她有御用美甲師，爸爸Sam坐定定為Lucy逐隻指甲搽上甲油，見他一直小心翼翼深怕搽出界，動作細心又認真，Lucy媽代囡囡寫上留言：「我的御用美甲師，讚佢好型係得到回報㗎！」網民搞笑留言：「Lulu個樣好滿意」、「佢個笑容好似得到全世界咁，so sweet」、「點解對住老竇會咁冧呢？」