MIRROR成員姜濤和王智德（Alton）、ERROR成員何啟華（阿Dee）今日出席活動，現場逼滿數百粉絲，姜濤將和毛舜筠與柳應廷合作英皇新戲，他現時正為電影作準備，也減少接新工作，講到他減少工作即減少收入，問他會否覺得肉赤？Alton即搶答指姜濤的生活重心不是錢，而是靚仔有型，又和阿Dee踢爆他終於學識踩單車，姜濤笑說：「因為新戲入面要踩單車，之前22年都冇刻意去學，噚晚終於學識，原本搵咗朋友教我，但係我自己踩踩下就學識咗。（可以約女仔去踩單車？）我仲未可以車人，之前MIRROR喺梅窩拍節目，我都冇同佢哋去踩單車。」有指新戲以花姐為藍本，姜濤稱看過劇本後覺得沒太大關係，有很多原創內容，但對角色和劇情就保持神秘，只謂很快就開拍，亦已經見過毛姐，大讚她非常好人。