網上近日流傳一張夜更保安員招聘啟示，列明每月準時以自動轉帳方式出糧，亦有專車接送王工作地點，不過求職者必須「不怕黑、不怕鬼」，事關工作地點位於屯門曾咀的骨灰龕場，引起網民熱議！

有網民在社交媒體Facebook群組「全港保安招聘站security recruit」上載該則招聘啟示的圖片，當中顯示一家保安公司有意聘請夜更保安員，工作地點為位於屯門龍鼓灘附近、新建的曾咀靈灰安置所，每天上班時間為晚上11時至翌日早上7時，月薪為1.3萬元，每月7號準時以自動轉帳的方式出糧，公司亦會安排由新屯門花園至工作地點的來回接送服務。

該家保安公司並未有在啟示中列出工作內容，但卻以顯眼的字體特別註明求職者必須「不怕黑」及「不怕鬼」，因工作地點為骨灰龕場，工作時間為晚間，一般而言較少人會於該時段出入骨灰安置所。

帖文引起網民熱烈討論，不少人認為該保安公司出手過低，即使不怕黑及不怕鬼，求職者亦可能不願到偏遠地區工作，「山長水遠，荒山野嶺！仲話唔怕鬼！先得果13000？真係搵鬼做！」、「萬3開夜，起碼1萬7啦。正所謂，錢做膽，飯做力。鬼都唔做啦」、「曾咀好遠呀，得$13000，車錢時間都蝕，鬼就冇乜好驚」。

不過，亦有網民認為該份為「荀工」，「8小時有$13000去邊度揾吖，打死都唔走呀，起碼無生人咁多不滿及投訴」、「上次去拜山，等車時同保安阿姐傾計，佢就係返23:00至07:00，真係得$13000人工，佢話一更有3位同事，份工嘅好處冇人管冇人理，唔使巡更」。

資料來源：「全港保安招聘站security recruit」FB