MIRROR成員呂爵安（Edan）及邱士縉（Stanley）今日出席ViuTV原創劇《i .Swim》開鏡儀式，兩人在劇中均飾演游泳健將， Edan指現實中自初中後已冇游過水，雖然本身識游水但不敢認叻，開劇前有加操，不知道出來效果如何，但會盡力做。

Stanley表示從未正式學過游泳，只是自學，幸好導演指游泳速度無須擔心。談到擁健碩身形的他要否操練？他表示要減少少，因為飾演學生不可以太大隻。Edan則謂每日只食蛋同番薯，放工返家後也會做gym操練，又指戲中有少少愛情線，但係好純情，連錫嘴同拖手都冇。