黃德斌、吳浩康（Deep）及楊天宇有份演出由已故導演陳木勝（Benny）執導及監製的英皇電影《怒火》，戲中三人扮演重案組組員，德斌坦言戲中不少動作場面，難免有輕微擦傷或碰撞，又大讚身兼監製、動作導演及主演的甄子丹，不單對每個拍攝動作鏡頭都有高要求，即使文戲在劇本上也會有自己的意見，他說：「記得南亞村有場戲對我嚟講好特別，因為十幾人圍攻我一個人，我揸住枝槍同佢哋肉搏，最後我將一個人舉起再撻佢落地，之後子丹睇螢光幕問導演使唔使較快一格，但就話唔使覺得我動作夠快。」楊天宇透露戲中有爆破、肉搏打鬥及槍戰場面，開拍前更學習揸槍：「除咗練習揸槍姿勢，就連換彈點樣換得快，同chok枝槍的安全掣喺邊都要學，亦接觸好多唔同類型槍械，全部換子彈方式都唔同，所以要記得好清楚。」