網上媽媽群組不時會有人轉售或轉贈育嬰用品，以免造成浪費；不過各位媽媽又敢唔敢要二手奶粉呢？有港媽日前以35元出售貴價奶粉，但就表示該罐奶粉已開封並「食過兩次」，引起網民熱議！

有網民向社交媒體Facebook專頁「生仔要考牌系列」投稿，指見到有港媽在網上以35元轉售一罐400克的貴價奶粉，並表示「22年到期，開咗食過兩次」，希望在沙田圍港鐵站交收。投稿者不禁表示「慳得一蚊得一蚊系列，為咗慳，為咗唔造成浪費，究竟可以去到幾盡？」

帖文引起網民熱烈討論，不少人批評該名港媽沒有衛生意識，「其實開咗罐，衛生都成問題」、「連罐入面啲嘢有冇俾人調包都成問題，邊個敢買？」、「啲奶粉已經潮咗」。另外有網民質疑該罐奶粉已經開封，最多只能保存一個月，並非帖文中提到2022年才過期，又指相中奶粉不止「食過兩次」，「冇咗咁多，每次20安奶啊？」

資料來源：「生仔要考牌系列」FB