一名媽媽將意外跌倒的3歲女兒送入院治理並做了腦掃描檢查，之後該媽媽為此感到自責，擔心做腦掃描會損害女兒健康，非常後悔將女兒送院。

有網民在討論區「親子王國」發文，3歲女兒滑倒向後跌倒，「我好驚，今日去睇急症，醫生話要做腦素描，睇下有無瘀血，依家睇返，原來腦掃描對小朋友有好大影響」

發文者解釋，因表哥及他的外傭來到，所以將女兒放在婆婆屋企，「諗住有2個大人睇住，自己去買餸，我更自責唔帶埋佢去買餸，我應該親力親為」。

發文者後悔，「我係擔心佢先同佢睇急症，我唔應該同佢睇...我現在個心很沉重」她稱，「上網睇，照一次等於照咗幾百張x ray，我無知令我女受苦」，「我自責係個女無嘔，又正常食野，只係自己不安心，就去照」。

不少網民紛紛留言安慰道，「有咩大影響？但唔做睇唔到問題可能更大影響，到發現問題可能太遲。」、「如果唔做， 唔知個腦有無事 ，你咪仲自責」、「有瘀血喺腦入面嘅話你就覺得對小朋友無影響？我朋友就係咁，影響說話，仲不斷發羊吊。」、「當時我都係有同意阿女做， 醫生知道我嘅擔心都同我講，輻射一定會有，但係唔照清楚唔知有無出血後果可以好嚴重，當好處大過壞處嘅時候，根本就唔需要考慮咁多.... 既然你都已經照咗，就唔好諗咁多，最緊要阿女無事，不如調返轉頭諗，如果你無照，點知原來真係有出血，但無發現後果比起呢啲輻射嚴重得多啦」。

帖文轉載自「我好自責幫阿女做腦掃描」