隨意放生動物，或會對生態及環境所造成影響。一名女網民於社交網發文指，於街市攤檔見到兩隻帶有蟹卵的紅花蟹，於是起了惻隱之心，買下兩隻蟹並帶到海邊放生。該女網民又指，希望兩隻蟹放生後能順利找到居所，繼續繁殖，「生養眾多造福人群」，事件引起網民熱論。

該名女網民於Facebook群組「香港街市魚類海鮮研究社」發文指，於街市攤檔見到兩隻帶有蟹卵的紅花蟹，「先是起了惻隱之心，然後是不安好心」，便立即問店主兩隻蟹「係咪有咗」、「如果放返落海會唔會生到」。店主回應指，若放回海中會「散春」，故提醒她須盡快完成。

女網民好奇問捕捉紅花蟹的地點，店主表示於東龍島附近捕捉後，她又指「呢度咁遠，隻蟹未必返到屋企喎」，對方則解釋，「蟹唔同人，唔一定要返家郷，搵到個窿匿埋就得」，女網民聞言後遂買下兩隻帶蟹卵紅花蟹，欲將其放生。店主得知女網民有意將紅花蟹放生後，隨即追問，「使唔使買夠六隻？好意頭啲」，女網民拒絕指，「唔使講意頭㗎，放生係想兩隻蟹生多啲蟹出嚟，將來分幾隻畀我食」。

女網民買下兩隻帶有蟹卵紅花蟹後，再向店主借了一把剪刀，將兩隻蟹帶到附近一處碼頭，剪去纏綁蟹身的尼龍繩後，將其放生回歸大海。女網民更指，其中一隻蟹鬆縛後舉起一隻鉗，「彷彿在振臂高呼：『我自由了！』」。完成放生後，她再次強調，希望兩隻蟹順利找到居所，適應新環境，能夠繼續繁殖，「生養眾多造福人群」。

帖文引起網民的熱論，有網民認同樓主此行為，贊揚她有善心，「你做咗係你嘅功德，係啱嘅，你已經放咗佢一條生路」、「善有善報，祝福樓主」、「畀個機會佢生存係好好嘅事，佢生唔生存到我唔知，但係起碼佢有個機會生存」。亦有網民斥不應隨便放生，「下面多網多垃圾又油污，放都未必生」、「第一有春未必代表已受精，第二唔同海域未必能生存，所以唔好做放生活動」。

資料來源：香港街市魚類海鮮研究社