韓子亮新歌大受歡迎，加上獲歌迷留言力撐開心到爆，現已放下同保錡嘅恩怨情仇。
TL今次出粗口歌係想為自己平反一啲嘢：「總之明就明。」
新歌《Cuz I’m TL》受到好評，歌曲推出一星期喺互聯網接近有兩萬點擊。
經過「抽水事件」令網民更了解TL，變得真心欣賞他。
ERROR隊長肥仔（梁業）及193代保錡解畫。
保錡為免再惹是非，封口唔想再多講，費事愈講愈錯。
保錡同TL曾經係好兄弟，TL出錢出力同保錡拍住上力闖歌壇。
Previous Next
歌手韓子亮(TL)之前不滿ERROR成員吳保錡張揚N年前嘅「搶咪事件」，用嚟無限放大及抽水，事後由ERROR隊長肥仔（梁業）代解畫係因為度橋拍節目，諗住跟韓子亮開吓玩笑而搞出誤會；193亦幫拖打圓場話將來都希望有機會跟對方再合作。至於變得低調嘅保錡就故左右而言他話：「人生每一日都係新嘅一天，唔使回頭望，只要每日都做好自己。」保錡用呢幾句說話嚟避開道歉。其實以和為貴咪好囉！雙方免傷和氣啦！

 

喜獲網民支持心情變靚返晒

真相大白後，TL雖然得勢，但保持風度，加上最近推出嘅新歌《Cuz I’m TL》受到好評，歌曲推出一星期網上接近兩萬點擊，網民留言表示支持，大讚首歌夠貼地！仲話「抽水事件」令他們更了解TL，變得真心欣賞他。TL心情大靚開心到爆，經已唔再理會是是非非。

 

唱粗口歌唔介意被取笑「騎呢」

由於《Cuz I’m TL》係首粗口歌，被問到歌詞會否太過粗俗？TL表示自己係一位貼地嘅歌手，唔介意畀人笑，呢首歌係想為自己平反一啲嘢：「總之明就明。」不過，他坦言冇諗過呢首歌會有咁多網民支持：「做呢首歌之前都有好多顧慮，但係我覺得忠於自己先係最開心，𠵱家得到Fans支持，一切都覺得值得！」稍後TL會去老人院做義工，唱吓歌仔畀一班老友記聽。不過，就溫馨提示佢，唔好喺班老友記前獻唱粗口歌喇！