港姐冠軍謝嘉怡（Lisa）今晚盛裝出席活動，身穿露肩晚裝的Lisa身形明顯清減不少，她說：「之前喺英國食多咗，加上上個月生日又食咗很多蛋糕，上鏡塊面更加圓，所以多咗做運動，減少食甜嘢。」另外，談到參演TVB處境劇《愛．回家之開心速遞》，Lisa表示很好玩，由於不懂得看中文劇本，爸爸、姑媽、姑姐和經理人都有幫手翻譯，中文進步不少，開始學習看中文字。問拍攝時有沒有「蝦碌」趣事？她說：「冇畀人嘲笑，但搞唔清楚『買』同『賣』嘅讀音，練咗半個鐘都讀得唔好，好彩埋位拍攝時一take就講得啱。」