健身除了健康之外，已經成為流行文化的一種，男網民在「香港討論區」發文抱怨，女友為了更多時間做運動，棄高薪白領工作，貿然轉職健身院接待員。

發文者說，原本女朋友任職寫字樓工作，平日放工都會稱去健身，女友稱健身非為了減肥而是想身形更加靚才去做。男網民透露，「開頭我都好鼓勵佢架，做運動可以健康啲同埋都見到佢有成效」但女友前晚放工突然致電男友：「我遞咗信辭職啦，下個月會去平時做開Gym個間公司到做！」。

發文者聽畢「我真係唔知畀咩反應好」，對方解釋，平時幫人登記同做下Reception（接待員）囉，得閒個陣仲可以去做Gym，我又可以返工又可以做Gym，呢份工係咪好好呢！」

發文者質疑，「都唔明，真係中意做Gym到要連份工都轉埋咩？佢原本份工都係人工高福利好仲要今次轉工都無同我商量」