上周六（4/9）係黃日華60歲生日，月尾（26/9）71歲牛一的李司棋，上周五就同黃日華一齊切蛋糕慶祝。司棋姐出Po，「星期五跑完步同華哥齊齊慶祝生日。蛋糕非常靚！」現場有五個蛋糕，有一個大蛋糕上有司棋姐同華哥嘅人名牌，另外就有足球型同炸魚薯條型嘅蛋糕，整得好似又真係好靚，從而發現司棋姐同華哥英文名分別叫Louise同Felix，真係完全唔知，唔緊要啦，補祝Felix同預祝Louise生日快樂呀。