女友親自下廚卻煮出「暗黑料理」，男友不想激嬲對方，睇怕就只能硬食了！有港男表示，女友日前自製「愛心」冰皮月餅給他，雖然覺得幾「難鯁」，但為免落女友面，便講大話稱讚月餅好食，怎料對方其後竟再自製一打月餅供他「享」用，令他感到相當崩潰！

該名港男在「香港討論區」發文，指日前隨口說想吃冰皮月餅，女友竟親自下廚自製給他吃，不過他吃了一口覺得太甜，而且「外皮很硬，內餡味道有點怪」，但見女友滿心期待他的食評，因「唔好意思落佢臉」便謊稱「幾好食」。

怎料，女友日前指自製了一打冰皮月餅給樓主，甚至形容「有排食」，着他拿回家與母親一起品嘗。樓主聞言後感到非常崩潰，指其母親應該不會吃，所以估計需要獨自一人「硬食」一打月餅。

網民看完帖文後，紛紛揶揄樓主，「講大話嘅後果」、「一邊食一邊講唔錯，很美味」、「早餐一個，lunch一個，dinner一個，好快食晒」，亦有人建議老實說出感想，「誠實地告訴他月餅應該如何改善口味」。另外有網民就認為這是一種甜蜜的負擔，「其實有女朋友已經唔錯了，好多人都還單身呢，大兄弟挺住」、「咁好女仔肯煮嘢」。

資料來源：「香港討論區」