商台DJ朱薰前日（5日）在社交網分享8歲囝囝譚永之（譚仔）的轉髮型事件，她表示在9月開學前已游說囝囝，因為他自岀世光頭之後，一直都由爸爸譚健榮操刀，留「冬菇頭」髮型，不過譚仔聽到新髮型好似好抗拒：「連爸爸都想佢試下轉第啲髮型，不過冬菇仔唔想😱似乎唔想離開個『襟忽鬆』（Comfort Zone）😐但係冬菇仲可以維持得幾耐呢？於是說客（我🤡）岀動，其中一個游說嘅論點就係：『暑假係最適合轉髮型嘅時候喇，因為咁耐冇見同學老師，你有啲嘢唔同咗都容易接受啲，同埋可能有啲新同學根本唔知你個頭以前係點㗎呢？😛』成功游說到阿客仔試一試新嘢，得咗🤩。」