世事難料，大家應珍惜眼前人，以免留下遺憾。有港男指從前與父親關係惡劣，二人甚少交流，直至父親前年離世，整理其遺物時竟翻出一本相簿，裡面夾著一張自己兒時送贈的聖誕卡，令他相當感觸。

該名港男在「香港討論區」上，以「老豆（竇）走咗之後，喺屋企搵到一樣野（嘢）...」為題發文，指自己從前與父親經常「火星撞地球」，二人不知何時起已甚少交流。父親前年去世，樓主與母親一同執屋及整理父親遺物，翻出一本舊相簿，裡面有他兒時與兩老的合照，便與母親一起坐下翻看。

期間，二人發現相簿內夾著一張聖誕卡，是樓主兒時送贈父親，令他感慨萬分，「冇諗過當年一張用嚟交功課嘅聖誕卡，隨手送畀老竇之後，老竇會放喺相簿咁耐，咁珍而重之」。

帖文引起不少網民留言，指男士普遍不懂表達情感，認為事件反映樓主父親一直很重視他，「男人係唔識同仔溝通」、「呢張聖誕卡，對於你爸爸嚟講，係好有價值」、「其實好多男士都唔識表達感情，佢好錫你」，亦有人勸樓主好好孝順及珍惜與其母親的相處時光，「珍惜眼前人」、「老土啲都要講樹欲靜而風不止，子欲養而親不待」、「阿爸媽得一個，好好珍惜相處時」。

資料來源：「香港討論區」