六年級的女兒踏入青春期後變得反叛，令港媽感束手無策。網圖
該名港媽於「親子王國」討論區發文訴說，其就讀六年級的女兒踏入青春期後，明顯變得反叛，成績亦愈來愈差，有時更發脾氣不願上學及補習，甚至偷食父親的電子煙，「佢仲帶返學，同學、老師都知」、「鬧都冇用，俾我扔咗之後又再買」。港媽曾向老師及社工反映問題，惟情況仍然沒有改善，令她感到束手無策。
港媽透露，她曾將女兒用來上網課的電話扔爛之後，女兒對她懷恨在心，更不時打弟妹發洩。其後港媽為免女兒沉迷上網，便於iPad設定密碼開鎖，未料女兒竟利用刀仔指嚇弟妹，要求他們解鎖iPad。
港媽坦言知道自己亦有不足之處，沒有盡管教的責任，「我係一個只識生唔識教嘅媽媽」，加上丈夫長期於外地工作，自己需獨力照顧三孩，感到疲累不堪，對女兒軟硬兼施仍無法導其向善，「大女係三個之中，最令我心痛嗰個」。港媽形容自己心力交瘁，惟情況仍沒有改善，故萌生送女兒到女童院的念頭，遂向網民詢問情況。
帖文引起網民的熱論，網民紛紛表示女童院內品流複雜，根本無助改善女兒的問題，只會令母女關係變得更差，「送佢入去肯定嬲你一世」、「樓主有冇了解過個女咩事會變成咁? 如果唔溝通下，做錯咗決定，會影響佢一生」 、「送佢去女童院只係一個逃避嘅方法，無助改好個女童，同時亦傷害左母女嘅感情 」。
港媽其後回應指，自己誤解兒童之家等同女童院，又強調自己非逃避責任，「我唔係想放棄佢，而係想有人可以開解佢、幫到佢，令佢迷途知返」！
資料來源：親子王國
