音樂人伍仲衡(Harry)日前與鍾柔美(Yumi)及冼靖峰(Archie)接受主播許文軒(Edmond)主持的TVB娛樂新聞台節目《StarTalk》訪問，談到Harry即將舉行音樂會Part 2，他說：「音樂會會係全新Rundown嘅騷，上次嘅歌玩完就喺上次留一個回憶。而且會係四面台，希望可以同觀眾拉近距離，今次嘉賓有好多都係新一代年輕歌手，好似Yumi同Archie。」

問今次再開音樂會，有甚麼改善地方？Harry說：「上次做咗四個幾鐘八十隻歌，今次唔可以唱咁長，唔可以Overrun，我嘅樂手話做我一個Show，等於做人地兩個，再Overrun會罰錢罰得好金！(但係平時嘅網上音樂會閒閒哋都唱過十二點？) 我自己個場就冇所謂啫，人哋地方就唔得啦！」身旁的Archie和Yumi曾作客Harry的網上音樂會，Archie說：「真係快樂不知時日過，Harry一彈我就唱，完全冇諗過已經去到凌晨1點。」Yumi笑說：「唔夠喉，下次要由下晝開始網上音樂會。」