ViuTV昨晚播出的 《幫緊你應援團》的第四集「玻璃骨女孩的友情萬歲」中，Lokman與阿妹收到Cami的委託，為患有先天性成骨不全症（俗稱玻璃骨）的好友斌琳達成見偶像Ian的願望，最後在製作組同事的安排下，斌琳成功與偶像Ian見面，Ian亦送上親手寫的心意咭，斌琳回家看到偶像的留言後，被感動到流淚。不過還有另一個令大家感動的地方，就是斌琳與好友Cami比親人還要親的關係，Cami對好友那份無私的關懷與照顧，觸動了不少人的心靈，播出後在網上惹來不少迴響。

在節目播出後，在ViuTV的官方網上頻道，播出了一段Ian的短片，當中Ian提到與斌琳見面前夕，他的心情複雜又緊張：「事前諗咗好多開場白，點知行到去佢身邊變得好自然，當刻大家內心好滾動，冇乜思考太多嘢，係好自然咁傾吓偈。好似Cami咁講，斌琳都係一個普通嘅朋友，唔希望大家對佢有一啲特別嘅照顧，當佢係一個普通朋友咁一齊相處同傾偈，所以自己寫咗張咭俾斌琳，寫嗰陣都已經諗好多嘢，有好多說話想同佢講，希望可以俾到啲鼓勵佢，見到佢開心，我都好開心，對我嚟講成件事意義好重大。」