魏駿傑入行30年，日前接受港台主持車淑敏訪問，提及人生低潮、婚姻與昔日與滕麗名的一段情。他透露去年與細廿年的張利華離婚，加上疫情已有1年半零收入，雙重打擊下有輕生念頭。「我要去睇心理醫生，我有諗過自殺，覺得好慘，係個女救番我，當時我諗起佢唔可以冇咗我，將隻腳踏返落嚟。」他自言在女兒面對每日都好開心，好擔心被女兒知道，影響她的一生。

魏駿傑自覺是110分好爸爸，但做老公只有30分。雖然每年情人節都會為前妻炮製心形牛扒和送花，但似乎仍未足夠，「我哋都開心過，離婚係因為人會變，我變得太離譜，淨係掛住湊女而忽略咗佢？就當係啦！大家好落台。」他曾亦有意再找另一半，想過公開招女伴，但遭女兒反對：「唔得㗎！你淨係可以愛我一個。」最近他接獲不少北上的工作邀請，但因為不捨在港讀書的女兒，認真父女情深。