微波爐是辦公室的必須品，但原來未必人人懂得使用。一名女網民於討論區分享一張社交網的截圖，指用微波爐翻熱飯盒，叮了足足25分鐘，結果飯蓋慘被叮至變形「凹陷」，無法打開，她自嘲「地獄手殘廚神非我莫屬」！

該名女網民於「連登討論區」分享一張IG的限時動態截圖，稱將午餐飯盒放到微波爐加熱，惟不慎「叮咗25分鐘」。及後取回飯盒時，發現無法打開蓋子，更稱「個蓋直頭凹埋」。面對飯盒蓋變形至此，不禁自嘲「地獄手殘廚神呢個朵非我莫屬」！

帖文引起網民的熱論，網民紛紛嘲笑女網民竟不懂如何操作微波爐，「叮25分鐘生米都煮成熟飯啦」、「唔識煮飯都算，微波爐都可以唔識用？」、「叮咁耐，生雞肉都熟啦」、「當咗個微波爐係焗爐咁用」。

有網民在留言分享曾遇到相似的經歷，「聽過有50歲人，拎個魚柳包拎去用高火叮，叮到燶晒全公司都聞到」、「公司試過有同事叮個包，叮咗差唔多廿分鐘，連部微波爐著埋火」、「試過有女同事話，叮一個飯要10分鐘，佢哋一次過叮三個飯，要三十分鐘」。

資料來源：連登討論區