細貓（應智越）近日有新歌《Ophiuchus》派台，討論區一片慘叫聲，因為歌迷覺得歌名好難讀。究竟讀《Ophiuchus》難啲定記歌詞難啲？細貓肯定會答你後者。因為《頭條娛樂》同佢玩咗一個「廣東歌接龍」遊戲，音樂一停就要唱出下一句，但細貓似乎係「遊戲黑洞」，全程慘叫多過唱，係咁失分，最過份就連唱自己首歌《渴》都出晒事，點搞呀細貓？