大家過馬路要小心！長沙灣一名男子慢跑時，疑未有留意馬路情況下衝紅燈，不幸被一輛市區的士撞飛，受傷倒地。現場附近私家車「車Cam」拍下事發過程，片段在網上流傳，引起網民討論。

事發在今早8時許，59歲姓劉的士司機沿長沙灣興華街東行，駛至近通州街交界時，一名身穿運動衫、49歲姓梁的男子疑未有留意交通情況，衝紅燈並跑出馬路，的士收掣不及撞及梁男。梁男頭部及手腳受傷，送往瑪嘉烈醫院治理，送院時清醒。另外，的士上一名6歲女童感到心口痛，送往明愛醫院治理。

車禍片段隨後在網上瘋傳，根據影片可見，出事時行人過路燈顯示為紅色，而梁男突然跑出馬路，隨即被一輛的士撞及，梁男被剷上的士車頭擋風玻璃，打空翻後受傷倒地。

不少網民認為跑步男子未有遵守交通規則，導致意外發生，「呢啲唔睇過馬路既真係累人累物」、「佢一起步就跑出嚟，望都唔望」。另外亦有人懷疑該名男子是「碰瓷黨」，「正常跑步都會望前面，就算見到對面阿嬸過馬路、視線都會睇到紅綠燈，而且佢喺路邊停咗幾秒明顯係知道紅燈，當的士差唔多到前幾秒有望過去，好明顯係蓄意碰瓷嘅行為」。

資料來源：「香港突發事故報料區」FB