連續拍攝數小時吵架和打大交的動作場面，姜濤和阿Jer都交足功課。
在趕完戲當天早上，姜濤出席活動暈倒，現場驚呼。
13/9 10:00am 準時開工
早上十點姜濤已準時開工，多人陪同到達拍戲現場。
正式拍攝前，二人已經要出盡力試戲排練打戲。
12:00pm 烈日暴曬
時近中午烈日當空，兩人無遮無擋在現場培養情緒，姜濤不時按着頭部。
兩人熱到呆晒，但仍耐心地等埋位。
小休去洗手間時，助手為姜濤拉開衫吹風扇。
14/9 2:30am 捱到殘爆
到了深夜時分，姜濤仍在趕戲，他忍不住問「何時可以返屋企？」
姜濤捱足一日，又打又曬又踩單車，成個人殘晒。
11:30am 現身活動
姜濤不適，身邊的隊友也十分擔心，其中Anson Lo憂心至眼紅紅。
16/9 7:00am 重投拍戲
本報獨家追蹤16號姜濤小休了一日半再度投入工作，希望不阻碍拍攝進度。
連日來姜濤都趕戲，還被毛姐偷拍他在現場的睡相。
開工到半夜，姜濤突然發了多篇感言，看似情緒低落。
撰文、攝影∣娛樂組
倒帶回到姜濤暈倒前一天，本報獨家追擊到他一早便到達屯門為電影拍外景，全日着住超厚長袖戲服在猛烈陽光底下拍攝，期間姜濤和隊友Jer為拍一場互相摟打到瞓地戲份，姜濤更加打到喊，情緒大爆發，最終拍到凌晨兩點才收工，計埋返屋企兩個鐘車程，姜濤未休息回氣就已經要準備出席當天上午活動，行程緊密。
受不了胃痛和焗促
姜濤、盧瀚霆（Anson Lo）、呂爵安（Edan）、柳應廷（Jer）上周二（9月14日）在尖沙咀出席公開活動，四位隊員晨早九時先在店內進行拍攝，之後再轉到商場見傳媒拍同粉絲見面，不過姜濤出場唔夠五分鐘，原本已經面青唇白的他，影合照期間突然腳軟暈低地上，嚇到身邊隊友呆晒，全場粉絲驚呼，最後由多位工作人員火速扶他起身，再由大隻保安攙扶離開。事後，經理人花姐（黃慧君）在社交平台代姜濤報平安：「姜濤今早有少許胃痛，現場環境有點焗，加上閃光燈不斷，所以有少許腳軟而跣低。現在休息中沒有大礙，大家不用擔心，老姜答應我，呢兩日會好好休息。」知情者透露：「當日化妝嗰陣姜濤已經覺得唔舒服，同埋佢每次出活動知道自己好容易水腫，都會堅持唔食嘢，其實姜濤已經唔係第一次出活動時突然腳軟，之前都試過做訪問嗰陣忽然腳軟跌一跌！嗰日完咗活動有人見到有架白車入咗商場範圍，聽講佢去咗醫院check咗身體，證實無大礙至返咗屋企休息！」
