江𤒹生（Anson Kong）與兩位女跑手屈旨盈和羅映潮，今日一齊為馬拉松活動拍攝宣傳片，提醒參加者要注意的事項，笑言最重要是食早餐。問到可會參賽？AK表示大會有邀請，但撞了其他工作而未能出席，透露自己的跑步經驗，是中學陸運會時參加過3000米長跑，自己比較喜歡跑接力賽，因可與隊員齊齊分享成績，問到是否因跑步有型能吸引女仔？AK笑說：「從來都係因為有型，學跳舞都係，但跳舞能吸引女仔多啲，跑步反而冇，我又唔係跑得特別出色，唔似Ian（陳卓賢）係港隊。」他表示Alton（王智德）都有跑步，有意找他練跑，未來齊齊嘗試10公里馬拉松，笑言對方跑步比較叻，就算自己體力不支暈倒都有對方傍住。