中秋節來到，又係一年一度大家放肆品嚐美味月餅的時候，但收埋自私食又點及得同有需要人士一齊分享。美聯透露，集團一向重視環保、關心社會，今年首度同環保機構「食德好」合作，簽署其「惜食約章」，仲喺各辦公室設立回收箱，鼓勵員工捐出過剩的未開封月餅，再交由機構於中秋前夕轉贈予低收入家庭，冀透過「減廢互助」，在減少浪費食物、推廣綠色節日文化的同時，與基層人士一同分享喜悅，同渡佳節。

今次活動喺9月中舉行，分別於中環、灣仔和長沙灣3個辦公室，設置回收箱及張貼宣傳單張，鼓勵員工捐出未經開封、無須冷藏的獨立包裝月餅，再由「食德好」在節日前夕派發予低收入家庭，向佢地送上節日祝福。全賴各部門同事熱烈響應，是次活動在短短一星期內成功收集近百個月餅，全數轉化為「綠色心意」，贈予機構受惠者。集團除咗捐出月餅外，仲主動向合作夥伴表達婉拒月餅賀禮的立場，鼓勵他們將心意轉贈有需要人士，惠及更多基層。